Beth yw Bwyd Caerdydd?
Partneriaeth dinas gyfan o unigolion a sefydliadau yw Bwyd Caerdydd. Mae’n gweithredu fel canolbwynt ar gyfer cysylltu’r bobl a’r prosiectau sy’n gweithio i hyrwyddo bwyd iach ledled y ddinas, sy’n amgylcheddol gynaliadwy a moesegol; mae’n gweithredu fel llais ar gyfer newid ehangach.
Ein cenhadaeth
Mae Bwyd Caerdydd yn credu bod y bwyd rydyn ni’n ei fwyta yn cael effaith fawr ar fywyd yng Nghaerdydd – nid yn unig ar iechyd pobl, ond ar gymunedau a busnesau, ffermwyr a chynhyrchwyr bwyd, a’r amgylchedd hefyd. Mae bwyd da yn creu cymunedau cryf, iach a gwydn.
Pwy ydyn ni
Sefydlwyd Bwyd Caerdydd yn 2014 fel un o’r Lleoedd Bwyd Cynaliadwy cyntaf yn y DU. Yn ystod y saith mlynedd diwethaf, mae wedi datblygu a thyfu’n sylweddol, gan gael effaith amlwg ledled y ddinas. Yn 2021, enillodd Caerdydd statws Arian Lleoedd Bwyd Cynaliadwy, ac yn 2024, dyfarnwyd Gwobr Aur Lleoedd Bwyd Cynaliadwy i Gaerdydd, gan ddod yn un o ddim ond pedwar safle yn y DU i ennill y wobr fawreddog. Mae’r wobr yn cydnabod llwyddiant dull cydgysylltiedig y ddinas o greu system fwyd gynaliadwy ac iach. Darllenwch fwy.
Mae Bwyd Caerdydd yn rhan o Synnwyr Bwyd Cymru, sy’n anelu at ddylanwadu ar sut y caiff bwyd ei gynhyrchu a’i fwyta yng Nghymru, gan sicrhau bod bwyd, ffermydd a physgodfeydd cynaliadwy wrth wraidd system fwyd gyfiawn, cysylltiedig a ffyniannus. Synnwyr Bwyd Cymru yw partner cenedlaethol Lleoedd Bwyd Cynaliadwy yng Nghymru ac mae’n cefnogi’r pum aelod presennol yng Nghymru sy’n cynnwys bwyd Caerdydd, Bwyd y Fro, Partneriaeth Bwyd Sir Fynwy, Bwyd RCT a Phartneriaeth Bwyd Blaenau Gwent.
Rydym yn gronfa sy’n rhan o Elusen Iechyd Caerdydd a’r Fro (Rhif elusen 1056544).
Darllenwch fwy am ein cyflawniadau hyd yma.
Ein Tîm
Lucinda Sehic yw Cydlynydd Bwyd Caerdydd ac mae’n gyfrifol am ddod â sefydliadau sy’n gweithio ar brosiectau bwyd cynaliadwy ar draws y ddinas at ei gilydd, i rannu arfer gorau a chydweithio i drawsnewid system fwyd y ddinas.
Bwrdd Strategaeth Bwyd Caerdydd
Yn 2026, penodwyd Bwrdd Bwyd Caerdydd i ganolbwyntio ar gyfeiriad strategol y bartneriaeth, a chynnig arweiniad ar sut i ddatblygu a gwella ei lwyddiant ymhellach
- Carol Adams: Rheolwr Marchnadoedd Ffermwyr Caerdydd
- Angelina Sanderson Bellamy: Athro Systemau Bwyd, Prifysgol Gorllewin Lloegr
- Sam Chettleburgh: Prif Swyddog Cynaliadwyedd (Bwyd), Cyngor Caerdydd
- Jane Cook: Ymgynghorydd Cyfathrebu Strategol
- Pearl Costello: Cadeirydd Bwrdd Strategaeth Bwyd Caerdydd
- Sarah Germain (Prif Swyddog Gweithredol) a Katie Padfield (Pennaeth Datblygu): FareShare Cymru
- Pola Grzybowska: Meddyg
- Emma Holmes: Pennaeth Gwasanaethau Maeth a Deieteg, Bwrdd Iechyd Prifysgol Caerdydd a’r Fro
- Jono Hughes: Ffermwr Llysiau, Fferm Blas Gwent
- Sabrina Khan: Sylfaenydd, Bwyty Maasi
- Liz Lambert: Arweinydd Grŵp Datblygu Cynaliadwy, Cyngor Caerdydd
- Camilla Lovelace: Ymgyrchydd Bwyd Cymunedol, Pantry Tremorfa a Splo-down
- Gareth Ludkin: Rheolwr Polisi a Phrosiectau, Ymgyrch Parciau Cenedlaethol ac Ymgynghorydd Amgylcheddol
- Andrew Rowlands: Peiriannydd Meddalwedd gyda phrofiad blaenorol yn y Sector Bwyd
- Anthony Ruston: Pennaeth Manwerthu ac Arlwyo, Coleg Caerdydd a’r Fro
- Rebecca Stewart: Prif Ymarferydd Iechyd y Cyhoedd, Tîm Iechyd y Cyhoedd Caerdydd a’r Fro, Bwrdd Iechyd Prifysgol Caerdydd a’r Fro
Ein Partneriaid
Mae Bwyd Caerdydd bellach yn cynnwys dros 200 o unigolion ar draws mwy na 90 o sefydliadau. Drwy’r rhwydwaith hwn o bartneriaid ymroddedig, mae Caerdydd yn ysgogi newid ar lefel y ddinas ac yn gweithio i fynd i’r afael â rhai o broblemau cymdeithasol, economaidd ac amgylcheddol mwyaf y dydd.
Mae ein partneriaid yn cynnwys:
I ymuno â’n rhwydwaith cysylltwch â ni: