{"id":12212,"date":"2024-10-16T16:30:16","date_gmt":"2024-10-16T15:30:16","guid":{"rendered":"https:\/\/foodcardiff.com\/?p=12212"},"modified":"2024-10-16T16:31:35","modified_gmt":"2024-10-16T15:31:35","slug":"caerdydd-yn-ennill-gwobr-o-fri-gwobr-aur-lleoedd-bwyd-cynaliadwy","status":"publish","type":"post","link":"https:\/\/foodcardiff.com\/cy\/caerdydd-yn-ennill-gwobr-o-fri-gwobr-aur-lleoedd-bwyd-cynaliadwy\/","title":{"rendered":"Caerdydd yn ennill gwobr o fri – ‘gwobr Aur Lleoedd Bwyd Cynaliadwy’"},"content":{"rendered":"
<\/div>\n

Mae dinas Caerdydd wedi ennill Gwobr Aur Lleoedd Bwyd Cynaliadwy,<\/strong> gan gydnabod llwyddiant ei dull cydgysylltiedig o ddatblygu system fwyd gynaliadwy ac iach.<\/p>\n\n\n\n

Mae Caerdydd yn un o ddim ond pedwar lle yn y DU i ennill statws Aur, gan ddilyn \u00f4l troed Brighton & Hove, Bryste a Chaergrawnt.<\/p>\n\n\n\n

Cafodd y cais am y wobr ei arwain gan Bwyd Caerdydd<\/strong>, sef ‘partneriaeth fwyd’ sy’n cwmpasu’r ddinas gyfan ac yn cynnwys unigolion a sefydliadau sy\u2019n cysylltu\u2019r bobl a\u2019r prosiectau sy\u2019n gweithio i hyrwyddo bwyd iach, amgylcheddol gynaliadwy a moesegol ledled y ddinas.<\/p>\n\n\n\n

Enillodd Caerdydd Wobr Arian Lleoedd Bwyd Cynaliadwy<\/strong> yn 2021 a dechreuodd Bwyd Caerdydd<\/strong> raglen ymgysylltu ac ymgynghori ledled y ddinas i greu Strategaeth Bwyd Da Caerdydd,<\/strong> gyda’r nod o ennill y Wobr Aur eleni. Mae’r strategaeth yn cynnwys pum nod ar gyfer bwyd – Caerdydd iach; Caerdydd amgylcheddol gynaliadwy; economi leol ffyniannus; system fwyd deg a chysylltiedig; a mudiad bwyd grymusol. <\/p>\n\n\n\n

Bellach yn ei degfed flwyddyn, mae partneriaeth fwyd Caerdydd wedi esblygu i fod yn rhwydwaith deinamig, cryf a chynhwysol o ymgyrchwyr dros fwyd da. Cafodd Bwyd Caerdydd ei sefydlu ar y cyd gan D\u00eem Iechyd Cyhoeddus Caerdydd a\u2019r Fro a Chyngor Caerdydd yn 2014. Mae’n rhan o Synnwyr Bwyd Cymru, sy’n anelu at ddylanwadu ar sut y mae bwyd yn cael ei gynhyrchu a\u2019i fwyta yng Nghymru, gan sicrhau bod bwyd, ffermio a physgodfeydd cynaliadwy wrth wraidd system fwyd deg, cysylltiedig a ffyniannus. <\/p>\n\n\n\n

Mae gan Bwyd Caerdydd fwrdd strategaeth hefyd sy\u2019n cynnwys amrywiaeth o aelodau, ac yn eu plith mae Cyngor Caerdydd, Bwrdd Iechyd Prifysgol Caerdydd a\u2019r Fro, Prifysgol Caerdydd, Marchnadoedd Ffermwyr Caerdydd, Gweithredu yng Nghaerau a Threl\u00e1i<\/strong> \u00e2 llu o aelodau eraill.<\/p>\n\n\n\n

Dywedodd Pearl Costello, cydlynydd Bwyd Caerdydd:<\/strong> \u201cMae hwn yn gyflawniad aruthrol i\u2019r holl unigolion, grwpiau cymunedol, sefydliadau a busnesau sy\u2019n rhan o rwydwaith Bwyd Caerdydd, a phawb yn y ddinas sydd wedi cyfrannu at ein mudiad Bwyd Da.<\/p>\n\n\n\n

\u201cWrth i ni ddathlu dengmlwyddiant Bwyd Caerdydd, mae\u2019n wych cael y gydnabyddiaeth allanol hon o\u2019n llwyddiant ar lefel y DU. Ac i ddangos y p\u0175er yn sgil dod \u00e2\u2019r holl bobl o fewn y system fwyd ynghyd i gydweithio i gyflawni newid – i gynyddu mynediad at fwyd iach, fforddiadwy, i ddod \u00e2 chymunedau ynghyd a mynd i\u2019r afael ag ynysigrwydd, i gefnogi system fwyd fwy cynaliadwy ac i sicrhau bod ein heconomi fwyd leol yn gallu ffynnu. <\/p>\n\n\n\n

\u201cRydym yn edrych ymlaen nawr at ddechrau\u2019r broses o weithio gyda\u2019r holl bartneriaid hynny ar ein cynlluniau i adeiladu ar y wobr Aur hon a datblygu strategaeth nesaf Bwyd Da Caerdydd.\u201d <\/p>\n\n\n\n

Meddai’r Cynghorydd Julie Sangani,<\/strong> “Fel yr Aelod o’r Cabinet sy’n gyfrifol am y Strategaeth Fwyd fel rhan o’m portffolio ac yn rhinwedd fy swydd fel Cadeirydd Gr\u0175p Llywio Bwyd y Cyngor, rwy’n hynod falch bod Caerdydd wedi ennill Gwobr Aur Lleoedd Bwyd Cynaliadwy. Ni yw’r Lle Bwyd Cynaliadwy cyntaf yng Nghymru i ennill gwobrau Aur, Efydd ac Arian – teitl a gafwyd drwy ymdrechion ar y cyd gan ein partneriaid, ein cymuned ymgysylltiedig, a’n cydweithwyr ymroddedig. <\/p>\n\n\n\n

“Mae Cyngor Caerdydd wedi bod yn rym arloesol yn y Mudiad Bwyd Da yn y ddinas ers i Bwyd Caerdydd gael ei sefydlu yn 2014. Mae ein hymrwymiad cadarn i greu system fwyd gynaliadwy wedi bod yn agwedd allweddol ar ein gwaith, ac rydym wrth ein bodd o fod wedi sefydlu sylfaen gadarn i’n galluogi i dyfu, a chreu system fwyd sydd nid yn unig yn rhoi maeth i’n cymuned ond sydd hefyd yn diogelu ein hamgylchedd ac yn meithrin dyfodol iachach ar gyfer cenedlaethau i ddod.\u201d<\/p>\n\n\n\n

Mae Cynllun Gwobrwyo Lleoedd Bwyd Cynaliadwy <\/strong>yn seiliedig ar y gydnabyddiaeth bod angen dull cysylltiedig er mwyn creu system fwyd iach a chynaliadwy, gan ddod \u00e2 phobl sy’n gweithio yn sefydliadau’r sector cyhoeddus a phreifat ar draws y system at ei gilydd. Mae\u2019n nodi chwe maes gweithredu allweddol i gyflawni newid sylfaenol yn y system fwyd: <\/p>\n\n\n\n