{"id":11455,"date":"2023-06-16T10:08:12","date_gmt":"2023-06-16T09:08:12","guid":{"rendered":"https:\/\/foodcardiff.com\/?p=11455"},"modified":"2023-06-16T10:15:28","modified_gmt":"2023-06-16T09:15:28","slug":"heddiw-ar-ddiwrnod-ail-lenwir-byd-gwnewch-eich-adduned-a-dewisailddefnyddio","status":"publish","type":"post","link":"https:\/\/foodcardiff.com\/cy\/heddiw-ar-ddiwrnod-ail-lenwir-byd-gwnewch-eich-adduned-a-dewisailddefnyddio\/","title":{"rendered":"Heddiw, Ar Ddiwrnod Ail-Lenwi\u2019r Byd, Gwnewch Eich Adduned, A #Dewisailddefnyddio"},"content":{"rendered":"
<\/div>\n

Erbyn hyn mae dros 2000 o lefydd i fwyta, yfed a siopa sy\u2019n defnyddio llai o blastig wedi eu cofnodi ledled Cymru yn \u00f4l y gr\u0175p amgylcheddol, City to Sea<\/a>, sy’n rhedeg yr Ymgyrch Ail-lenwi<\/a>. Cyhoeddwyd y garreg filltir i nodi Diwrnod Ail-lenwi’r Byd<\/a><\/strong> (16 Mehefin) \u2013 ymgyrch ymwybyddiaeth gyhoeddus fyd-eang i atal llygredd plastig a helpu pobl i fyw gyda llai o wastraff. <\/p>\n\n\n\n

Nod Diwrnod Ail-lenwi’r Byd, a gynhelir yn flynyddol ar 16 Mehefin, yw creu gweledigaeth amgen ar gyfer y dyfodol a chyflymu’r trawsnewidiad oddi wrth blastig untro a thuag at systemau ail-lenwi ac ailddefnyddio. Mae’r ymgyrch yn dwyn ymgyrchwyr, busnesau cynaliadwy, a sefydliadau ynghyd o bob cwr o’r byd, i dynnu sylw at atebion i’r argyfwng plastig a helpu unigolion i fyw gyda llai o wastraff. <\/p>\n\n\n\n

Mae Cyngor Caerdydd wedi dod yn “Gyrchfan Ail-lenwi” swyddogol sy’n gweithio gyda City to Sea, ac mae cangen Gymreig yr ymgyrch Ail-lenwi, Ail-lenwi Cymru<\/a>, wedi cael cefnogaeth Llywodraeth Cymru sydd, yn ei thro, wedi addunedu mai Cymru fydd y \u201cGenedl Ail-lenwi<\/a>” gyntaf. <\/p>\n\n\n\n

Dywedodd Jane Martin, Pennaeth Datblygu City to Sea, “Mae hon yn garreg filltir enfawr – erbyn hyn mae dros 2,000 o fannau ail-lenwi yng Nghymru. Rydym wedi bod yn gweithio gyda phartneriaid ledled Cymru i ehangu’r cynnig ail-lenwi ac ailddefnyddio. Mae hyn yn golygu p\u2019un a ydych yn cerdded llwybrau’r arfordir, yn siopa yng nghanol dinas Caerdydd neu’n teithio i’r gwaith – dydych chi byth yn bell o rywle i ail-lenwi eich potel dd\u0175r, cwpan goffi neu focs bwyd.” <\/em><\/p>\n\n\n\n

Aeth ymlaen i ddweud, “Nod Diwrnod Ail-lenwi’r Byd yw cael pobl i drafod y broblem ac, yn allweddol, i dynnu sylw at y datrysiadau a helpu pobl i weithredu i leihau gwastraff. Efallai na fydd ein newidiadau bach ni yn ymddangos fel llawer ar eu pen eu hunain, ond gyda’n gilydd, gallwn wneud gwahaniaeth enfawr, gan ddangos i frandiau, busnesau a llywodraethau mawr ein bod am weld, ac angen gweld camau\u2019n cael eu cymryd ar fyrder i fynd i’r afael \u00e2’r argyfwng plastig. <\/em><\/p>\n\n\n\n

Mae angen i ni newid yn gyflym o\u2019n diwylliant deunydd tafladwy, untro i ddyfodol mwy cynaliadwy, cylchol, gydag ailddefnyddio ac ail-lenwi wrth ei wraidd. Y newyddion da yw bod gennym eisoes yr offer sydd eu hangen arnom i newid y byd.”<\/em> <\/p>\n\n\n\n

\n
\"\"<\/a><\/figure>\n\n\n\n
\"\"<\/a><\/figure>\n\n\n\n
\"\"<\/a><\/figure>\n<\/figure>\n\n\n\n

Yn y gorffennol, gweithiodd City to Sea gyda Bwrdd Iechyd Caerdydd a’r Fro i lansio Pecyn Cymorth Hydradu newydd fel rhan o’u Rhaglen Gweithleoedd Iach<\/a>. Mae’r pecyn cymorth hydradu yn adnodd hawdd ei ddefnyddio i gyflogwyr, nid yn unig er mwyn sicrhau bod eu gweithwyr yn cadw’n iach ac yn cael digon o dd\u0175r, ond hefyd i ysgogi newid ymddygiad ynghylch defnyddio poteli y gellir eu hailddefnyddio yn y gweithle a chael effaith gadarnhaol ar eu metrigau plastig untro. <\/p>\n\n\n\n

Mae City to Sea hefyd wedi cael cyllid gan Gynllun Cymunedau y Dreth Gwarediadau Tirlenwi<\/a> (LDTCS) a weinyddir gan Gyngor Gweithredu Gwirfoddol Cymru i helpu i leihau llygredd plastig o amgylch Caerdydd dros y ddwy flynedd nesaf. Bydd yr ymgyrch estynedig yn cynyddu nifer y lleoliadau a’r mathau o fusnesau a restrir ar yr ap yng Nghaerdydd, gan helpu i sicrhau mai ailddefnyddio ac ail-lenwi yw’r norm cymdeithasol newydd. Bydd cwsmeriaid yn cael eu hannog i ddefnyddio’r ap i ganfod lle i ail-lenwi popeth o’u potel dd\u0175r, cwpan coffi, a bocs bwyd, i gynhyrchion glanhau\u2019r t\u0177 a phethau ymolchi. <\/p>\n\n\n\n

I ddathlu Diwrnod Ail-lenwi’r Byd, gallwch wneud eich adduned eich hun i roi’r gorau i ddefnyddio deunyddiau untro, lleihau llygredd plastig a #dewisailddefnyddio. #dewisailddefnyddio. Cofrestrwch gyda Bwyd Caerdydd (neu mewngofnodwch) a gwnewch eich Adduned #BwydDaCaerdydd heddiw yn: <\/strong>https:\/\/foodcardiff.com\/cy\/addunedu\/<\/strong><\/a>.<\/strong> <\/p>\n\n\n\n

\n