{"id":11317,"date":"2022-12-22T16:19:32","date_gmt":"2022-12-22T15:19:32","guid":{"rendered":"https:\/\/foodcardiff.com\/astudiaeth-achos-banc-hodge-a-oasis-caerdydd\/"},"modified":"2023-04-06T09:58:45","modified_gmt":"2023-04-06T08:58:45","slug":"astudiaeth-achos-banc-hodge-a-oasis-caerdydd","status":"publish","type":"post","link":"https:\/\/foodcardiff.com\/cy\/astudiaeth-achos-banc-hodge-a-oasis-caerdydd\/","title":{"rendered":"Astudiaeth achos: Banc Hodge a Oasis Caerdydd"},"content":{"rendered":"
<\/div>\n

Mae ymgyrch #BwydDaCaerdydd yn dod \u00e2 busnesau a sefydliadau o bob cwr o\u2019r ddinas at ei gilydd i gyflawni un nod gyffredin \u2013 helpu Caerdydd i ddod yn un o leoedd bwyd mwyaf cynaliadwy y DU erbyn y flwyddyn 2024.<\/strong><\/p>\n\n

Gyda chymorth cyllid o Gronfa Uchelgais y Ddinas Caerdydd Am Byth<\/a> rydym yn cefnogi busnesau i \u2018addunedu\u2019 i gymryd camau a fydd yn helpu Caerdydd i gyflawni statws Aur Lleoedd Bwyd Cynaliadwy; ac rydym wedi creu\u2019r<\/strong> pecyn cymorth hwn<\/strong><\/a> er mwyn gwneud y broses yn symlach byth.<\/strong><\/p>\n\n

Nid dim ond busnesau bwyd neu fusnesau lletygarwch sy\u2019n gallu creu effaith \u2013 yma cawn glywed gan Gareth Cartwright, rheolwr cyfathrebu ac ymgysylltu mewnol banc Hodge<\/a> yng nghanol y ddinas.<\/strong><\/p>\n\n

\u201cBanc arbenigol yw Hodge sy\u2019n darparu cynnyrch cynilo a benthyca wedi\u2019i deilwra\u2019n dda ar gyfer ein cwsmeriaid ar yr \u2018adegau sy\u2019n bwysig\u2019 iddyn nhw. Ac mae hon yn egwyddor yr ydym yn ei chymhwyso i\u2019n cydweithwyr – gweithio i greu gweithle hynod bleserus a rhywle i bobl allu cydweithio gyda\u2019r un ethos i wneud y peth iawn.<\/p>\n\n

\u201cMae bwyd yn rhan bwysig o\u2019n bywyd cymdeithasol yma – mae\u2019n gyfle i ddod \u00e2 phobl at ei gilydd ac yn gyfle i ni fel cyflogwr ofalu am eu hiechyd a\u2019u llesiant. Rydym yn darparu opsiynau bwyd gwahanol i\u2019r t\u00eem drwy gydol yr wythnos \u2013 drwy brynu ffrwythau ffres yn lleol o Farchnad Caerdydd a sicrhau bod dewis o frecwast iach yn barod ar eu cyfer ar \u00f4l iddyn nhw gyrraedd yn y bore.\u201d<\/p>\n\n

Fel rhan o\u2019r ymgyrch Bwyd Caerdydd, sy\u2019n cael ei chefnogi gan Caerdydd Am Byth, aethom ati i gyflwyno Gareth a\u2019r t\u00eem i d\u00eem arlwyo Oasis, yr elusen sy\u2019n darparu croeso cynnes Cymreig i ffoaduriaid ac i geiswyr lloches.<\/strong><\/p>\n\n

Matt Davenport yw uwch reolwr arlwyo a lletygarwch Oasis Caerdydd.<\/a> Meddai:<\/strong><\/p>\n\n

\u201cCanolfan i geiswyr lloches ac i ffoaduriaid yw Oasis yn y Sblot, ac rwy\u2019n gyfrifol am y gegin ble y gwneir dau brif beth \u2013 darparu prydau bwyd poeth am ddim i geiswyr lloches a ffoaduriaid yng Nghaerdydd a\u2019r cylch, a darparu gwasanaeth arlwyo allanol sy\u2019n helpu i gefnogi\u2019r ganolfan.<\/em><\/p>\n\n

\u201cProsiect The Plate<\/a> yw ein prif fenter sy\u2019n gysylltiedig \u00e2 bwyd, ac mae\u2019n canolbwyntio ar ddarparu cyfleoedd cyflogaeth i geiswyr lloches a ffoaduriaid drwy gynnig gwasanaeth arlwyo allanol neu arlwyo\u2019n fewnol, gan greu platfform i ddatblygu sgiliau ac i fod yn rhan o\u2019r sector arlwyo a lletygarwch yn fwy cyffredinol. <\/em><\/p>\n\n

\u201cMae\u2019r prosiect hefyd yn helpu pobl i ymgartrefu yn y DU, gan ddefnyddio bwyd fel cyfrwng i adrodd eu hanesion ac i rannu gwybodaeth bersonol \u2013 gan ddileu\u2019r label \u2018ceisiwr lloches\u2019 neu \u2018ffoadur\u2019.<\/em><\/p>\n\n

\u201cFel cogydd, rwy\u2019n teimlo\u2019n freintiedig iawn cael arbrofi gyda chymaint o wahanol ryseitiau, a chymaint o ffyrdd gwahanol o ymdrin \u00e2 bwyd gan yr holl unigolion gwahanol sy\u2019n defnyddio\u2019r ganolfan \u2013 ac mae eu hanesion yn gwneud popeth yn fwy diddorol byth. Rwy\u2019n gwybod bod fy newis o ryseitiau wedi mynd o nerth i nerth dros y pum mlynedd diwethaf wrth i mi weithio ochr yn ochr \u00e2\u2019r bobl rydym yn eu cefnogi yn Oasis \u2013 ac mae\u2019r digwyddiadau arlwyo allanol rydym yn eu cynnal yn blatfform arbennig i ni allu rhannu\u2019r ryseitiau a\u2019r straeon hynny gyda\u2019r gymuned ehangach.\u201d<\/em><\/p>\n\n

Ychwanegodd Gareth:<\/strong><\/p>\n\n

\u201cYn aml, bwyd yw canolbwynt y digwyddiadau y mae ein pwyllgor cymdeithasol yn eu cynnal a bydd yn aml yn trefnu bwffe neu ginio i ddod \u00e2 phobl at ei gilydd. Rydym mor falch ein bod yn gwybod am Oasis Caerdydd a\u2019r gwaith y mae\u2019n ei wneud.<\/em><\/p>\n\n

\u201cRydym yn defnyddio llawer o gyflenwyr bwyd ac arlwyo lleol a gwahanol, ond drwy ddefnyddio menter gymdeithasol fel Oasis, gall y digwyddiadau rydym yn eu cynnal i ddod \u00e2 phobl at ei gilydd yn y gweithle gefnogi\u2019r gwaith y mae\u2019n ei wneud i gefnogi pobl yn y gymuned hefyd. <\/em><\/p>\n\n

Efallai ei fod yn ymddangos yn rhywbeth bach, ond pe bai mwy o fusnesau yn y ddinas yn gwneud yr un peth, gall gael effaith llawer mwy.<\/em><\/p>\n\n

\u201cMae\u2019n llwyddo i gyfuno nifer o\u2019n safbwyntiau; rydym yn awyddus iawn i greu cyswllt cymdeithasol yn y gweithle. Hoffem roi cyfle i\u2019n timau fynd allan i\u2019r gymuned drwy gynllun gwirfoddoli \u2018Four to do More\u2019<\/a> \u2013 ac mae helpu pobl i fod yn iach yn gorfforol ac yn feddyliol yn hynod bwysig i ni.<\/em><\/p>\n\n

Efallai nad yw\u2019r effaith y gall busnes gwasanaethau ariannol fel ein busnes ni ei chael ar greu system fwyd mwy cynaliadwy, teg ac iach yng Nghaerdydd yn amlwg i ddechrau. Ond gallwn greu effaith drwy feddwl am ble i brynu ein bwyd a\u2019r opsiynau sydd ar gael i gydweithwyr.<\/em><\/p>\n\n

P\u2019un a ydych yn fusnes bwyd ai peidio, gall eich addunedau drwy ymgyrch Bwyd Caerdydd gael effaith bwerus iawn. Diolch i ymgyrch Bwyd Caerdydd am ein cyflwyno i Oasis, ac rydym wedi addunedu i sicrhau y byddwn yn manteisio ar unrhyw gyfle i ddod \u00e2 chydweithwyr at ei gilydd dros fwyd i gefnogi un o fentrau cymdeithasol rhagorol y ddinas, fel Oasis, sydd \u00e2 phwrpas cymdeithasol gwych yn ganolbwynt i\u2019r hyn y mae\u2019n ei wneud.\u201d<\/em><\/p>\n\n

\n