{"id":10655,"date":"2022-02-22T18:04:15","date_gmt":"2022-02-22T17:04:15","guid":{"rendered":"https:\/\/dev.docandtee.com\/food-cardiff\/action\/cefnogi-mudiadau-cymunedol-lleol-drwy-gyfrannu-eich-arbenigedd-deunyddiau-neu-ddarparu-lle\/"},"modified":"2022-02-25T18:29:08","modified_gmt":"2022-02-25T17:29:08","slug":"cefnogi-mudiadau-cymunedol-lleol-drwy-gyfrannu-eich-arbenigedd-deunyddiau-neu-ddarparu-lle","status":"publish","type":"actions","link":"https:\/\/foodcardiff.com\/cy\/action\/cefnogi-mudiadau-cymunedol-lleol-drwy-gyfrannu-eich-arbenigedd-deunyddiau-neu-ddarparu-lle\/","title":{"rendered":"Cefnogi mudiadau cymunedol lleol drwy gyfrannu eich arbenigedd, deunyddiau neu ddarparu lle"},"content":{"rendered":"\n

Ledled y ddinas mae sefydliadau cymunedol yn helpu pobl a allai fod yn cael trafferth cael mynediad at fwyd. Maen nhw’n hyrwyddo manteision iechyd ac iechyd meddwl tyfu eich bwyd eich hun, gan helpu i ddod \u00e2’n cymunedau yn agosach at ei gilydd a chefnogi ein pobl ifanc mewn ysgolion.<\/p>\n\n

Mae’r rhan fwyaf o’r sefydliadau hyn yn cael eu rhedeg gan wirfoddolwyr ar gyllidebau tynn. Fel busnes efallai bod gennych adnoddau, sgiliau a gofod a allai fod o gymorth mawr i sefydliad sy’n lleol i chi. Efallai fod gennych chi hefyd dir sydd y gellir ei ddefnyddio i dyfu bwyd \u2013 mae galw mawr am grwpiau cymunedol a ffermwyr ar raddfa fach yng Nghaerdydd.<\/p>\n\n

Mae prosiectau bwyd cymunedol ar waith ledled y ddinas. Dyma rai enghreifftiau o raglenni Bwyd Caerdydd y gallai busnesau eu cefnogi gydag amser, gofod, arbenigedd, rhoddion neu gyllid:<\/p>\n\n

Food Power<\/em>: Mae Bwyd Caerdydd yn un o gynghreiriaid tlodi bwyd Food Power<\/a>, sy\u2019n gweithio i gryfhau gallu cymunedau lleol i leihau tlodi bwyd. Ymhlith y prosiectau mae darparu cymorth i staff rheng flaen ddeall a hyrwyddo Talebau Cychwyn Iach yn well, a lansio Pantri Dusty Forge yn Nhrel\u00e1i. <\/p>\n\n

Clybiau bwyd sy\u2019n seiliedig ar aelodaeth yw pantr\u00efoedd sy\u2019n galluogi pobl i gael mynediad at fwyd am gyfran fach o brisiau arferol yr archfarchnad, gan wella sicrwydd bwyd yn y cartref a rhyddhau mwy o arian ar gyfer costau cartref hanfodol eraill. <\/p>\n\n

Dewch at Eich Gilydd Bwyd am Oes:<\/em> Mae bwyd da hyd yn oed yn well pan gaiff ei rannu. Mae digwyddiadau Dewch at Eich Gilydd Bwyd am Oes yn weithgareddau cymunedol rheolaidd sy’n cysylltu pobl o bob oed a chefndir drwy fwyd. O gyllid ar gyfer eich gweithgaredd coginio neu dyfu, i offer a deunyddiau i ddod \u00e2’ch cymuned at ei gilydd, mae Bwyd Caerdydd wedi bod yn helpu pobl i redeg Dewch at eich Gilydd<\/a> ledled y ddinas.<\/p>\n\n

Dinasoedd Llysiau:<\/em> Mae ymgyrch Dinas Llysiau<\/a> Caerdydd yn cynyddu’r llysiau a fwyteir drwy newid pethau ar lefel leol – hyrwyddo llysiau, tyfu llysiau, cynnwys mwy o lysiau mewn prydau ysgol, lleihau faint o lysiau sy’n cael eu gwastraffu, a chymaint mwy. Gall bwytai, manwerthwyr, gweithleoedd, ysgolion a thyfwyr i gyd wneud adduned llysiau.<\/a> <\/p>\n\n

Cymorth gyda Manwerthu Bwyd Cymunedol:<\/em> Os oes gennych ddiddordeb mewn sefydlu, cefnogi neu ddatblygu pantri, cydweithfa fwyd, oergell gymunedol, clwb bwyd neu fath arall o fanwerthu amgen, gall Bwyd Caerdydd helpu. Cynhyrchodd Bwyd Caerdydd ac Ysgol Busnes Caerdydd y canllaw hwn<\/a> gyda chymorth y Rhwydwaith Manwerthu Bwyd Cymunedol. Diolch o galon i’r Ysgol Busnes Caerdydd<\/p>\n\n

Edrychwch ar y gwaith y mae’n ei wneud ar ein tudalen newyddion<\/a> a chofrestrwch ar gyfer ein cylchlythyr i gael diweddariadau rheolaidd.<\/p>\n \n

\n\n\t