{"id":10643,"date":"2022-02-22T17:14:25","date_gmt":"2022-02-22T16:14:25","guid":{"rendered":"https:\/\/dev.docandtee.com\/food-cardiff\/action\/cefnogi-eich-cydweithfa-fwyd-neu-brosiect-bwyd-iach-lleol\/"},"modified":"2025-03-04T17:00:50","modified_gmt":"2025-03-04T16:00:50","slug":"cefnogi-eich-cydweithfa-fwyd-neu-brosiect-bwyd-iach-lleol","status":"publish","type":"actions","link":"https:\/\/foodcardiff.com\/cy\/action\/cefnogi-eich-cydweithfa-fwyd-neu-brosiect-bwyd-iach-lleol\/","title":{"rendered":"Cefnogi eich cydweithfa fwyd neu brosiect bwyd iach lleol"},"content":{"rendered":"\n

Mae prosiect manwerthu bwyd cymunedol yn fenter ddielw, elusennol neu gymdeithasol sydd \u00e2’i gwreiddiau mewn cymuned leol, gyda chenhadaeth gymdeithasol gref i fynd i\u2019r afael \u00e2 materion sy\u2019n ymwneud \u00e2 bwyd. Gall y rhain gynnwys Oergelloedd Cymunedol, Pantr\u00efoedd, Clybiau Prynu a Chydweithfeydd.<\/p>\n\n\n\n

Caiff cydweithfeydd bwyd eu rhedeg gan wirfoddolwyr o\u2019r gymuned, mae rhai o bob lliw a llun i\u2019w cael mewn amrywiaeth o leoliadau, \u2013 canolfannau cymunedol, ysgolion, prifysgolion, neuaddau eglwys neu weithleoedd. Yn wahanol i fanciau bwyd, nid dim ond ar gyfer pobl sy’n wynebu argyfwng bwyd mae Cydweithfeydd Bwyd. Gall unrhyw un eu defnyddio.<\/p>\n\n\n\n

Gallwch arbed hyd at \u00a3220 y flwyddyn ar eich bil siopa o gymharu \u00e2 siopa mewn archfarchnadoedd. Mae bagiau o ffrwythau a llysiau fel arfer yn costio rhwng \u00a32 a \u00a34 \u2013 ac yn aml mae opsiynau i brynu wyau, cig, pysgod a bara hefyd.<\/p>\n\n\n\n

Daw cynnyrch a werthir drwy gydweithfeydd bwyd yn uniongyrchol gan gyflenwyr lleol megis ffermwyr, manwerthwyr neu gyfanwerthwyr, sy’n dewis ffrwythau a llysiau ffres yn \u00f4l eu tymor, eu hargaeledd a’u gwerth. Mae\u2019r rhan fwyaf yn cynnig cymysgedd o ffrwythau, llysiau a\/neu fwydydd cyflawn (reis, ffa, cnau, blawd, ac ati) ac maent yn aml yn cynnig cyfle i gwtogi ar ddeunydd pacio diangen, yn ogystal \u00e2 chyfle i wella mynediad at fwyd fforddiadwy.<\/p>\n\n\n\n

Yn yr un modd, mae Clybiau Bwyd yn darparu ffordd i bobl gael mynediad at fwyd o ansawdd da gan gymryd bwyd dros ben gan fanwerthwyr a allai fod wedi mynd yn wastraff a’i ddarparu i aelodau o glybiau lleol am brisiau isel. Bellach mae gan Gaerdydd sawl Pantri cymunedol sy’n rhannu bwyd ffres, bwyd wedi’i rewi ac eitemau cwpwrdd storio lle y gall yr aelodau gael basged o fwyd gwerth tuag \u00a320 am ddim ond \u00a35 wythnos, er enghraifft. Mae rhai hefyd yn cynnig nwyddau’r cartref a phethau ymolchi.<\/p>\n\n\n\n

Mae Oergelloedd Cymunedol ar agor i unrhyw un sydd eisiau rhannu bwyd nad ydyn nhw’n mynd i’w ddefnyddio – a gall unrhyw un sydd ei angen ei gymryd. Maen nhw’n cynnal y safonau hylendid bwyd uchaf felly mae rhai rheolau ynghylch yr hyn y gellir ac na ellir ei roi ynddynt, ond mae’r rhwydwaith Oergelloedd Cymunedol yn achub bwyd o ansawdd da gan fanwerthwyr, cynhyrchwyr, tyfwyr, bwytai a chartrefi. Maen nhw’n ailddosbarthu bwyd, yn lleihau gwastraff ac yn helpu’r gymuned i rannu sgiliau drwy wirfoddoli.<\/p>\n\n\n\n

Gall prosiectau bwyd lleol hefyd eich helpu i gysylltu \u00e2’r gymuned. Gallech hefyd ystyried gwirfoddoli eich sgiliau neu amser i brosiect lleol, neu ddarganfod sut i gyfrannu bwyd. Mae rhai clybiau bwyd a chydweithfeydd hefyd yn caniat\u00e1u i chi brynu bwyd i berson mewn angen.<\/p>\n\n\n\n

I gael rhagor o wybodaeth, edrychwch ar yr adnoddau isod. <\/p>\n\n\n \n

\n\n\t