{"id":10623,"date":"2022-02-22T15:08:56","date_gmt":"2022-02-22T14:08:56","guid":{"rendered":"https:\/\/dev.docandtee.com\/food-cardiff\/action\/ymuno-a-chynllun-achredu-a-rhannur-newyddion-ach-rhwydweithiau-i-ysbrydoli-eraill\/"},"modified":"2025-03-04T18:07:47","modified_gmt":"2025-03-04T17:07:47","slug":"ymuno-a-chynllun-achredu-a-rhannur-newyddion-ach-rhwydweithiau-i-ysbrydoli-eraill","status":"publish","type":"actions","link":"https:\/\/foodcardiff.com\/cy\/action\/ymuno-a-chynllun-achredu-a-rhannur-newyddion-ach-rhwydweithiau-i-ysbrydoli-eraill\/","title":{"rendered":"Ymuno \u00e2 chynllun achredu a rhannu’r newyddion \u00e2’ch rhwydweithiau i ysbrydoli eraill"},"content":{"rendered":"\n

Mae cynllun achredu cydnabyddedig yn ffordd wych o ddangos bod eich ymrwymiad i fusnes moesegol, cynaliadwy wedi\u2019i ardystio\u2019n annibynnol. Mae’n arwydd i’ch cwsmeriaid, eich cyflenwyr a’ch cymuned eich bod yn cymryd y materion hyn o ddifrif. Gall hyrwyddo dyfarniadau ac achrediadau gael effaith gadarnhaol ar fusnesau eraill o’ch cwmpas, gan eu hannog i wneud ymrwymiadau cadarnhaol i newid. <\/p>\n\n\n\n

Mae dealltwriaeth defnyddwyr o’r hyn yw cymuned wedi’i chryfhau yn sgil COVID-19. Gan gydnabod pwysigrwydd cysylltiad a chymorth, bydd defnyddwyr yn trefnu cymunedau o’r un anian at ddibenion cymdeithasu a chwmn\u00efaeth.<\/p>MINTEL: 2021 TUEDDIADAU BWYD A DIOD BYD-EANG<\/cite><\/blockquote><\/figure>\n\n\n\n

Mae llawer o opsiynau ar gael i fusnesau, ond mae tri sydd fwyaf perthnasol i’r sector lletygarwch:<\/p>\n\n\n\n

Cymdeithas Bwytai Cynaliadwy<\/em> (SRA): Rhaglen Food Made Good<\/a> y Gymdeithas Bwytai Cynaliadwy yw’r safon fwyaf adnabyddus yn fyd-eang ar gyfer y diwydiant sy\u2019n mesur cynaliadwyedd ar draws y sector lletygarwch.<\/p>\n\n\n\n

Goriad Gwyrdd:<\/em> Eco-label gwirfoddol sy’n cydnabod rhagoriaeth mewn gweithrediadau amgylcheddol a chynaliadwy o fewn y diwydiant twristiaeth yw\u2019r wobr Goriad Gwyrdd. Mae mwy na 3,200 o sefydliadau ledled y byd yn dal y statws Goriad Gwyrdd ac mae’n berthnasol i amrywiaeth o fusnesau llety, atyniadau a bwytai.<\/p>\n\n\n\n

Gweinir Bwyd am Oes Yma:<\/em> Cynllun Cymdeithas y Pridd<\/a> yw Gweinir Bwyd am Oes Yma sy’n gwobrwyo arlwywyr am ddefnyddio cynhwysion lleol a moesegol sy’n cefnogi’r economi leol ac yn diogelu’r amgylchedd. Mae tair lefel i\u2019r wobr \u2013 efydd, arian ac aur \u2013 sy’n cwmpasu cynhwysion, arfer da a gofal cwsmeriaid.<\/p>\n\n\n\n

Cyflog Byw:<\/em> <\/strong>Mae’r Cyflog Byw go iawn yn seiliedig ar gostau byw ac yn cael ei dalu’n wirfoddol gan gannoedd o gyflogwyr yng Nghymru, a miloedd o gyflogwyr ledled y DU. Mae Cynnal Cymru<\/a> yn gweithio mewn partneriaeth \u00e2’r Sefydliad Cyflog Byw<\/a> a sefydliadau blaenllaw eraill<\/a>yng Nghymru i gefnogi cyflogwyr gydag achrediad a gweithio tuag at sicrhau\u2019r Cyflog Byw i bob gweithiwr yng Nghymru.<\/p>\n\n\n\n

Os ydych yn chwilio am ragor o wybodaeth am faterion cynaliadwyedd, mae gan WRAP<\/a> ystod eang o adnoddau a chymorth sy’n benodol i’r sector ar faterion fel lleihau gwastraff bwyd a mynd i’r afael \u00e2 phlastig untro.<\/p>\n\n\n \n

\n\n\t